EMAUS, A-25EKO ADIERAZPENA
Gaur, Emaus Bilbaoko langileok, gogorarazteko gelditu gara, gaur egun, milioika emakume ari direla munduan indarkeria-egoera bat pairatzen, eta indarkeria horrek, askotan, beren bizitzekin amaituko duela.
Tratu txarrak jasaten dituzten emakumeen kopuruari buruzko datuak, informazioa eta zifrak ezezagunak dira. Oraindik ere, hainbeste daude jasaten dutenak, hainbeste salatzen ez dutenak, hainbeste isilarazten direnak, ezen, 2020ko datu ikaragarriarekin espainiar estatuan, 45 emakume erail zituzten urtean, nahikoa izan behar luke, gizarte osoa gaitz horren aurkako gerran hasteko. Kuartelik gabeko gerra, atsedenik gabeko gerra, etenik gabeko gerra, espazio bakoitzean, eremu bakoitzean, mezu bakoitzean, sare bakoitzean, telebista-saio bakoitzean, iragarki bakoitzean, film bakoitzean, begiratzen duzun tokian, 21. mende betean dauden emakumeen mendeko egoerak presente jarraitzen du.
Emausetik diogu, premiazkoa dela neurri erradikalak hartzea, baldin eta gizonek eta emakumeek, izan behar dutenaren ideia faltsuen fabrikazioarekin amaitu nahi badugu, eta ikuspegi feministatik, emakume eta gizon izate hutsagatik, emakume eta gizonen artean gertatzen diren desberdintasun-harremanak azaldu eta eraldatu nahi baditugu, premiazkoa da, benetako ahalegina egitea botere-harremanak eta gaikuntza berrantolatzeko, errealitate soziala eraldatzeko prozesuak abian jarriz, eta desberdintasunen mezu bakoitza ezabatuz. Dardarka jar dezala egitura patriarkal zahar, higatu eta bidegabea hau.
Iraultza hori iristen ari da, izango da, marea moreak, emakumeen autonomia lortzearen alde bultzatzen jarraitzen duelako, indarkeria-egoerekin, datozen lekutik datozela ere, hausteko guztien erabakia babestuz eta indartuz.
Gaur, azaroaren 25ean, bizirik atera direnak, hemen daude gogorarazteko ez dagoela atsedenik borroka honetan, bihar berriro hasten da lanpostu bakoitzean, eskola bakoitzean, denda bakoitzean, administrazio-kontseilu bakoitzean, parlamentu bakoitzean, espazio bakoitzean… eta urteko egun guzti-guztietan, martxan jarraitzen du.
Zuengatik, gugatik, denengatik!
