Emaús Bilbaoren ekosistema errealitate berberaren gainean jarduten duten hainbat eragilek osatzen dute, eta denen helburua da egoera ahulenean dauden pertsonen integrazio soziolaboralean laguntzea ekonomia zirkular eta solidarioaren esparruko jarduketen bidez, hainbat modutara.
Emaus mugimendua
Administrazioa eta sozietate publikoak
Enkarterrietako mankomunitatea
Kontratu bat daukagu sinatuta Ingurumen Sailarekin tamaina handiko hondakinak eta etxeko hondakinak biltzeko etxez etxeko zerbitzua emateko. Astearteetan egiten da, 8:00etatik 13:00era, Artzentalesen, Karrantzan, Galdamesen, Gordexolan, Gueñesen, Lanestosan, Sopuerta, Turtziozen eta Zallan.
Santurtziko Udala
Kontratu bat daukagu sinatuta Ingurumen Sailarekin tamaina handiko hondakinak eta etxeko hondakinak biltzeko etxez etxeko zerbitzua emateko. Goizez egiten da astelehenetik ostegunera, eta arratsaldez ostiraletan.
Getxoko Udala
Kontratu bat daukagu sinatuta Ingurumen Sailarekin partikularrei oso kutsakorrak diren etxeko produktuak jasotzeko zerbitzua emateko. Besteak beste, bernizak, pinturak, erradiografiak eta pilak jasotzen dira puntu garbi mugikorren bidez
Justizia
Eusko Jaurlaritzaren Lan eta Justizia Sailaren lankide gara; aukera ematen diegu adingabe eta adin nagusikoei gizartearentzat lan egiteko zigorrak geure elkartean betetzeko.
Bilboko Udaleko Emakumearen Atala
Kontratu bat daukagu sinatuta Berdintasun Sailarekin, indarkeria matxistaren biktima diren emakumeak pisu babestuetara lekualdatzeko.
Eusko Jaurlaritza
Emaúsek finantzazioa eta laguntzak jasotzen ditu gizarteko esku-hartzearen arloan. Beste era batera esanda, laguntza horiek norberaren autonomia eta banakoak, familiak eta taldeak komunitatean integratzea sustatu eta babestera bideratuta daude.
Garbiker
2019ko otsailean hitzarmen bat sinatu zen Garbiker AB SA foru-sozietate publikoarekin. Hitzarmen horren bidez, laga egiten zaizkigu berrerabiltze-etxoletan uzten diren gauzak. Helburua da horiei guztiei bigarren bizitza bat ematea, Emaús Dendetan salduz.
Hitzarmenera atxikita daude Basauriko, Barakaldoko, Durangoko, Erandioko, Gernikako, Getxoko, Gueñesko, Igorreko eta Markinako Garbiguneak.
Bizkaiko Foru Aldundia
Bizkaiko Foru Aldundiak i3 proiektua sustatu eta finantzatzen du 2016tik, berrikuntza soziolaboraleko proiektuen deialdiaren barruan. Gizarte-kalteberatasuneko egoeran dauden pertsonak laneratzera bideratuta daude egindako jarduketak.
AERESS
AERESS, ekonomia sozial eta solidarioa berreskuratzen duten erakundeak ordezkatzeko plataforma da. Alde batetik, lobby lana egiten du, gizarteratzearen sektorearen aintzatespen publiko handiagoa lortzeko eta, bestetik, hondakinak berreskuratzeko. Halaber, bazkide diren erakundeak indartzeko lan egiten du, prestakuntza-lanen, barne- eta kanpo-komunikazioaren edo gizarte-eragileekiko sare-lanaren bidez.
Emaus Bilbao sare horretakoa da.
GIZATEA
Euskadiko Laneratzeko Enpresen Elkartea da. 2007an eratu zen, eta laneratzeko enpresek dituzten erronkei kolektiboki eta eraginkortasunez aurre egitea du helburu. Lankidetza sustatzen dute eta erakunde publikoen aurreko elkarrizketa errazten dute.
Emaus Bilbao, Gizatearen barruan, Zuzendaritza Batzordeko buru izango da datozen 4 urteetan.
METRO BILBAO
Metro Bilbaok Emausen eskura jartzen ditu bere instalazioetan galdutako objektuak, atxikitze-aldian erreklamatu ez direnak.
Objektu horiek objektu berrerabili edo birziklatu bihurtzen dira, eta, horrela, ingurumen-inpaktua murrizten da.
EMTESPORT
2019tik aurrera, Gabonetan, jostailuak biltzeko kanpaina egiten da EmteSPORT enpresarekin lankidetzan. Enpresa horrek kirol-instalazioen kudeaketa integrala egiten du.
Kanpaina honek elkartasun- eta enpatia-balioak sorrarazten ditu, berrerabilera sustatzeaz gain, jasangarritasuna sustatuz.
Koopera
Bi entitateren sarea, Emaus Ingurumen Zerbitzuen eta Emaus Kooperaren arteko hitzarmena. Ehungintzako adituak, arropa biltzean oinarritzen dira, ondoren sailkatu eta saltzeko.